Струмица не добила пари затоа што од општината конкурирале со веќе почнат проект и избран изведувач. Од општина Теарце поднеле проекти преку приватна мејл-адреса, а документацијата од општина Сарај не била целосна. Град Скопје е одбиен затоа што конкурирале со некомплетни проекти.
Ова е објаснувањето на премиерот, зошто само овие четири општини, од вкупно 80 што конкурирале, се одбиени за финансирање со парите од унгарскиот кредит.
Сите 20 проекти на Град Скопје Град Скопје, за кои бараа околу 102 милиони евра, повеќе од сумата за сите проекти, се одбиени.
Премиерот им порача на градоначалниците, до 15 ноември да поднесат нови проекти и повторно да се обидат да добијат финансирање од централниот буџет.
Тие, пак, се револтирани. Струмичкиот градоначалник на фејсбук напиша дека Струмица и` е трн во окото на владата.
Неговиот партиски колега, градоначалникот на општина Центар, доби еден ипол милион евра за реконструкција на спортската сала „Работнички„. Но, од СДСМ, реагираа дека исплатената вкупна сума е уште едно нереализирано ветување.
На огласот аплицираа 80 општини со вкупно 357 проекти, а од нив 77 општини ќе добијат финансирање за 274 проекти, чија вкупна вредност изнесува 65 милиони евра.
Општина Гостивар објави дека добила 2,7 милиони евра за вкупно 13 проекти од областа на животната средина, патната инфраструктура, транспортот, образованието и спортот.
Барањата на помалите општини се движат околу 100-тина илјади евра. Најголем дел од проектите се за патишта, канализации и водоводи.
Далиборка Демјанска