Во тек е голема полициска акција на територијата на општините Тетово и Охрид. Се вршат претреси на повеќе локации, а неофицијално во акцијата веќе има и неколкумина приведени.
Информацијата ја соопшти Основното јавно обвинителство за гонење организиран криминал и корупција, кое ја раководи акцијата.
Пред два дена во Струмичко-гевгелискиот регион исто така беше извршена полициска акција во која уапсени беа 14 царински службеници, еден пензиониран цариник и еден полициски службеник, обвинети дека во последната година и половина примале поткуп за да не ги извршуваат претресите на увезената стока во државата.
Повеќе детали за акцијата се најавуваат во текот на денот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.