Сведоци на израелскиот напад врз болница во Газа пред два дена, споделија впечатоци со „Би-Би-Си“ за ужасот и беспомошноста, гледајќи ги убиените и повредени луѓе.
Една жена ја нарече „една од најлошите сцени што ги видела во животот“. Повредено девојче, пак, рече дека слушала врисоци и барање помош од луѓе кои останаа заробени во опожарениот шатор во кругот на болницата. Маж, кој го контактираше британскиот сервис, рече дека се скршил, бидејќи „не можел ништо да стори“ да помогне на оние кои изгореа до смрт.
Израелски воздушен удар го погоди комплексот на болницата ал-Акса во Деир ал-Балах во центарот на Газа во раните утрински часови во понеделникот, предизвикувајќи пожар во кој изгореа импровизирани засолништа за раселени и повредени во Газа. Најмалку четири лица загинаа, а десетици беа повредени, поголем број жени и деца, соопшти министерството за здравство со кое управува Хамас.
На социјалните мрежи се шират вознемирувачки снимки со беспомошни луѓе кои горат додека луѓе од страна безуспешно се обидуваат да ги спасат и извлечат од шаторот. Израелската војска објави дека гаѓала борци на Хамас кои делувале во рамки на команден центар на паркиралиштето по што избувнал пожар, „веројатно како причина на секундарни експлозии“.
A weekend of death and destruction gave way to another deadly day in Gaza and Lebanon. Israeli forces struck multiple sites in both places.
In Gaza, an Israeli attack outside a major hospital set a makeshift tent village ablaze. At least four people were killed and dozens… pic.twitter.com/wOW9n8otgs
— PBS News (@NewsHour) October 15, 2024