Привремената комисија на Јавното обвинителство за следење на евентуални кривични дела против изборите и гласањето како и други изборни нерегуларности денеска континуирано го следи текот на изборниот процес во првиот круг од изборите за Претседател на Република Северна Македонија.
„Јавниот обвинител Џељаљ Бајрами, претседател на Комисијата, најави дека наскоро ќе извести за досегашните информации сумирани од јавните обвинителства низ државата„, соопштуваат од ЈО.
Специјална комисија, дежурни обвинители и сите полицајци на терен.
Истражителите и полицијата ќе ловат изборните нерегуларности.
Во следење на изборите се вклучуваат и бирото за јавна безбедност како и агенцијата за национална безбедност.
Казните се ригорозни доколку се предизвика насилство при гласањето.
Најмалку три години затвор за оној кој ќе уништи ливчиња или гласачка кутија, порачуваат истражителите.
Обвинителите имаат на располагање кривични дела каде што е предвидена затворска казна од над три години, а и можност за гонење до максимални 20 години затвор ако е употребна сила, оружје, предизвикана смрт.