Аналитичарите причините за судирот на Косово ги гледаат во руско-српската хибридна војна на Балканот. Еве што рече Агим Муслиу, директор на институтите ОКТОПОД за студии за хибридна војна од Приштина.
„Целта беше да предизвика хаос, да убиваат аџии и свештеници и повторно да се претстав Косово како убиец на српската заедница. А оваа група ќе се претстават како нивни бранители, а потоа ќе создадат други одбранбени механизми кои би им помогнале во меѓувреме, како декларираните терористички организации „Северна бригада“ и други терористички организации и тоа со цел да се создаде нов кризен центар на Балканот кој во Европа и на преговарачката маса ќе биде претставен како предност за Србија и за Вучиќ“, оценува Агим Муслиу, директор на институтите ОКТОПОД за студии за хибридна војна на Косово.
- Меѓу напаѓачите можете да најдете различни инструктори на специјалните единици, но и Руси кои се вклучени во сите овие операции, бидејќи од минатото знаеме дека овие групи соработуваат меѓу себе. И во последната војна на Балканот и на Косово имаше соработка меѓу руските и српските паравоени сили, дури сега во Украина, а на Косово во ноември минатата година, членовите на Вагнер беа идентификувани на барикадите на северот на Косово. Можно е во нападите вчера да биле вмешани и некои Руси, бидејќи во анализата на вчерашните аудио снимки што ги направивме во институтот „Октопод“ во соработка со стручњаци за руски јазик, дојдовме до заклучок дека меѓу напаѓачите имало и Руси кои зборуваат руски јазик, открива Муслиу.