Полициски командир од Полициското одделение Ропотово (Прилепско) се автоматска пушка калашников пука во воздух од балкон додека ечи народна музика, се гледа и се слуша на видеото кое објавено на профили на социјални мрежи на повеќе опозициски пратеници.
Пратеникот Ковачки напиша дека „со дивјаштвото и односот од првите луѓе на полицијата, личиме на африканска држава. Ова е во МК, командир на полициска станица, со автоматско оружје предизвикува општа опасност и не одговара за ништо. Не одговара ниту тој што го поставил.“
На снимката додека пука полицискиот командир се слушаат истрели и се гледаат траги од светлечки куршуми. Од МВР одговорија дека настанот е регистриран и се истражува, а против одговорните ќе следува соодветна санкција.
Дел од униформираните полициски службеници како службено оружје имаат и автоматски пушки или пиштоли, но нивната употреба е строго регулирана и дозволена исклучиво во полициски операции, активности, тренинзи и вежби. Според Законот за оружје строго е забрането и поседување и употреба на автоматско оружје, а цивили немаат никаква можност да имаат легално автоматски пушки и калашникови. За прекршување на законот се предвидени строги затворски казни.
На видеото се гледа дека командирот на полицијата во Ропотово е во цивилна облека и го добива калашников од друго лице кое го упатува како да пука.
Со дивјаштвото и односот од првите луѓе на полицијата, личиме на африканска држава.
Ова е во МК, командир на полициска станица, со автоматско оружје предизвикува општа опасност и не одговара за ништо.
Не одговара ниту тој што го поставил.#ДалекуСмеОдЕу pic.twitter.com/MVeBlWwdMd— Драган Ковачки (@Kovacki1) August 27, 2023