Џафери и координаторите на пратеничките групи ќе ги усогласуваат деталите за презентацијата на договорот со Бехтел и Енка во Собранието

Во Собранието денеска се очекува да се одржи координација на претседателот на Собранието, Талат Џафери со координаторите на пратеничките групи. Една од темите на средбата, според најавите, би требало да биде и договор за тоа како и на која собраниска комисија би бил презентиран договорот со Бехтел и Енка за изградба на коридорите 8 и 10д пред пратеници со безбедносен сертификат.

Премиерот Димитар Ковачевски минатата недела изјави дека прифатил договорот да го презентираат владини претставници пред пратеници со безбедносен сертификат и дека согласноста е испратена во Собранието.

Ставот на опозицијата е дека пратениците со безбедносен сертификат по Устав и по закон имаат право на пристап до секој документ со назнака „државна тајна“.