Содржината од писмото на американската амбсадорка Агелер останува „јавна тајна“, а реакциите веќе се видливи. Судската фела се бранува и расправа за него, владата крева раменици дека не може да влијае директно во правосудството.
Прва од функцијата, по писмото, падна претседателката на Судски совет. Според Весна Дамева, зборовите на Агелер се вистина, а пропустите во работењето кај судиите огромни. Нејзниото разрешување денеска има политичка заднина што, пак, според Дамева, одново се потврдуваат наводите на Агелер.
„Пинг-понг“ обвинувањата за состојбата во судството продолжуваат на релација судии – влада. Премиерот Димитар Ковачевски ја префрли вината за лошата состојба на Судскиот совет, но и на опозицијата, за која што рече дека во Собранието ги блокира законите за унапредување на работењето на правосудните органи. Писмото на Агелер, го видел, но го предал на надлежните минситерства.
Но, Ковачевски не е толку загрижен како Агелер и не сака да генерализира, дали нешто комплетно не функционира или комплетно функционира, бидејќи се работи за систем во кој што постојат поединци од кои дел веројатно добро си работат, дел помалку добро, дел треба да го унапредат своето работење, а дел може треба да бидат освежени со нови кадри, но тоа не е дел од ингеренциите на владата, вели Ковачевски.
Сепак, амбасадорката беше прецизна во збороовите и вината ја посочи во Апелациониот суд кој донесе одлуки во низа со кои на екс директорот на УБК, Сашо Мијалков му врати два процеса од почеток каде што тој веќе имаше затворски казни. Обидот на Судски совет да бара одговорност за судијата Енвер Беџети е без реализација, а судскиот совет утре наместо иницијатива за одговорност за работата на судиите ќе избира претседател, откакао денеска со драматични сцени и изгласа недоверба на актуелната претседателка Весна Дамева.
Павле Беловски
Агелер со писмо: Разочарана сум од одлуките на апелација за предметите со висока корупција