Српскиот претседател Александар Вучиќ и се обрати на јавноста, ден по маратонските разговори со претставниците на ЕУ и САД и премиерот на привремените институции во Приштина, Албин Курти, во Охрид. На прес конференција за јавноста Вучиќ го прочита текстот на анексот кој вчера беше договорен меѓу двете страни.
Според него овој документ од Договорот со кој двете страни се обврзуваат да ги почитуваат сите членови од Договорот и да ги спроведат сите свои обврски кои произлегуваат од него и Анексот брзо и со добра волја.
– Страните се договорија во рок од 30 дена да формираат Заеднички комитет за следење, со кој претседава ЕУ. Спроведувањето на сите одредби ќе биде обезбедено и надгледувано од Заедничкиот комитет за следење, информираше Вучиќ.
Вучиќ вели дека синоќа во Охрид не потпишал ништпо првенствено поради тоа што Србија е призната држава, додека Косово не е призната држава.
– Не потпишав затоа што не сакам да склучам меѓународен правен договор со Косово, внимателно и дисциплинирано се грижам за секој збор што ќе го кажам, тешко е да се докаже дека договорот постои без потпис, но на секое место. Зборувам недвосмислено за црвените линии на Србија кои се однесуваат на недвосмислено непризнавање на Косово, порача српскиот претседател Вучиќ.
