Град Скопје го раскина договорт со „Слобода превоз“, а долгот остана неисплатен. Приватниот превозник бараше решавање на проблемот, но без епилог. Со протести и блокади го бараа долгот од над милион ипол евра за да можат да возат по скопските улици.
„Апелираме до „Слобода превоз“ да ја ревидираат одлуката за блокирање на главниот град, бидејќи на тој начин нема да постигнат разрешување на проблемот, напротив, на овој начин проблемот се продлабочува. Скопјани не се должни да бидат колатерална штета, поради нерационалните барања на „Слобода Превоз“. Со уцени, нема договор“, велат од Град Скопје.
Скопјани утре со нова главоболка. Освен граѓаните кои автобусите им се алтернатива за да стигнат до своите работни места и домови и оние кои ги користат автомобилите ке се соочат со проблем. блокада на „Илинденска“.
Приватните превозници „Слобода превоз“ и „Макекспрес“ со 200 автобуси ќе бидат паркирани пред градското собрание. Едниот ултиматум градските власти го пробија, следниот е до понеделник.
И додека првиот човек на ЈСП, Александар Стојковски тврди дека ова претпријатие нема долг кон приватните превозници, Ленин Јовановски контра директорот. Долгот од доаѓање на градоначалничката Данела Арсовска е зголемен за три пати повеќе.
Приватните превозници „Макекспрес“ и „Слобода превоз“ го поврзуваат едниот со другиот дел на градот Скопје со 15 автобуски линии. Доколку до крајот на неделава градските власти не им го подмират долгот на приватните превозници кој ги спречува да возат по скопските улици- од понеделник следува целосна блокада на градот Скопје.
Симона Петровска