Утринава околу 08:40 часот на автопат Велес-Скопје од страна на полициски службеници од Мобилната единица за безбедност на сообраќајот на патиштата при Секторот за сообраќајни работи на МВР лишен од слобода е возач на товарно возило “волво” со прилепски регистарски ознаки.
Тој вршел вонгабаритен превоз на работна машина (дигалка со ширина 275 см) без одобрение за вонреден превоз а при извршен алкотест утврдено е присуство на алкохол од 1,81 промили.
Против 62 годишниот возач ќе бидат поднесени пријави за безобѕирно управување со моторно возило, и вршење на вонгабаритен превоз без одобрение.
Од МВР информираат дека сообраќајните контроли ќе продолжат и во наредниот период на територијата на цела држава, и апелираат до сите учесници во сообраќајот да ги почитуваат сообраќајните правила и прописи..
