Се одложи денешното рочиште за Харис Качапор обвинет дека на пешачки премин смртно го прегази поранешниот директор на ОХИС Јорго Ќука. Качапор не беше присутен на рочиштето бидејќи утринава доставил медицинска документација дека не е во добра здравствена состојба.
Се гони за тешки дела во сообраќајот за кое предвидена е казна од најмалку 4 до 20 години затвор. Сообраќајката се случи на 3-ти ноември на булеварот Гоце Делчев. Качапор возел со 53 км/час, а по сообраќајката, го оставил возилото и отишол на лекар и беше пронајден од МВР по неколку часа.
Ќука на јавноста и е познат како прв човек на поранешниот гигант во хемиската индустрија ОХИС на чие чело беше повеќе од две децении. Следното рочиште е закажано за 17 септември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.