Реконструкцијата на Владата, ребалансот на Буџетот и очекувањата од вториот дел од мандатот ќе се дел од темите во вечерашното издание на „Вин-Вин“ на Телма.
Аналитичарот Александар Кржаловски оценува дека реконструкцијата била очекувана, но дека доаѓа со задоцнување.
„Одбранбен механизам е тоа на секоја нова влада – ‘Удри по старата!’. Ова дојде и очекувано, а веројатно требаше и оваа реконструкција да се случи во декември, а ја дочекавме пола година подоцна“, вели Кржаловски.
Според него, промените во изминатите две години се одвиваат побавно од очекуваното, а наскоро ќе следува и оценка за успешноста на Владата врз основа на конкретни анализи.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.