Светиот архијерејски синод на Македонската Православна Црква – Охридска Архиепископија на редовна седница формира комисија за решавање на материјалната состојба на новоформираните епархии.
На седницата за нов член во постојаниот состав на Синодот е избран митрополитот Струмички г. Наум, а негов заменик митрополитот Европски г. Пимен.
– Светиот архијерејски синод на Македонската Православна Црква – Охридска Архиепископија , на својата редовна седница во полн состав, одржана на 26 мај 2026 година, разгледа повеќе прашања и настани поврзани со животот на нашата Света Црква. Светиот синод ги разгледа и ги усвои годишните извештаи од епархиите на МПЦ – ОА во татковината и дијаспората при што обрна посебно внимание на оние показатели кои сведочат за демографската состојба кај македонскиот православен народ. Воден од пастирска грижа, Светиот архијерејски синод, одлучи да формира Фонд за поткрепа на многудетни семејства, соопшти МПЦ-ОА по седницата.
Разгледувајќи ја состојбата на духовното и културно богатство на македонските храмови и манастири, како што информираат, Синодот со жалење констатирал дека заради немање доволно стручни кадри кои би го конзервирале, тоа се наоѓа во лоша состојба.
Светиот Синод апелира до надлежните институции неодложно да преземат соодветни мерки со цел да го зачуваме она што ни е оставено од нашите претходници.
фото: МИА