Затоплувањето на Антарктикот ги принудува пингвините да го поместуваат периодот на размножување сè порано, покажува нова научна студија.
Во изминатата деценија температурите на нивните живеалишта пораснале за околу 3 Целзиусови степени, поради што три вида пингвини започнуваат со размножување околу две недели порано отколку претходно.
Оваа брза промена може да создаде сериозни проблеми, особено за младенчињата, бидејќи времето на изведување повеќе не се совпаѓа со периодот кога има најмногу храна.
Истражувачите користеле 77 камери во десетици колонии и анализирале милиони снимки од периодот 2011–2021 година, со што прецизно ги следеле промените во однесувањето на пингвините.
Најпогодени се пингвините Адели и Чинстрап, кои се хранат исклучиво со крил, за разлика од пингвините Генту кои можат да се прилагодат и да ловат риба.
Со преклопувањето на периодите на размножување, се зголемува конкуренцијата за храна, што дополнително ги загрозува нивните популации, предупредуваат научниците.
Б.С.