Лулзим Алиу си поднесе оставка од функцијата заменик-министер во Министерството за образование и наука.
Тој ја достави својата оставка до претседателот на Владата, Христијан Мицкоски, со што ја заокружи својата професионална и јавна кариера.
Во својата изјава, Алиу упати благодарност до матичната партија Алтернатива и нејзиното раководство – актуелниот претседател Беким Сали, како и претходните претседатели Африм Гаши и Зеќирија Ибрахими – за укажаната доверба по вторпат да ја извршува оваа одговорна функција.
Тој изрази благодарност и до своето семејство, пријателите и соработниците за континуираната поддршка во текот на целиот негов мандат.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.