На 89-годишна возраст почина српската пејачка Сенка Велетанлиќ, која на македонската јавност ѝ беше позната и како сопруга на реномираниот пејач и актер Зафир Хаџиманов.
Како што објави на Фејсбук нејзиниот син, кој е џес музичар Васил Хаџиманов, таа „си замина тивко, достоинствено, како во сон, како дома, по тешко боледување“.
Сенка Велетанлиќ е родена во Загреб, а својата музичка кариера ја започнала како членка на хорот на КУД „Јожа Влаховиќ“. Првиот голем успех го постигнала во 1960 година на Опатискиот фестивал со песната „Ноќ без ѕвезда“, со што се вброи меѓу најзначајните имиња на шлагер-сцената во шеесеттите години. Публиката ја памети по елегантниот стил и длабоката емоција во интерпретацијата.
Сенка и Бисера Велетановиќ (џез пеачка и интерпретатор)
Во средината на шеесеттите години стапила во брак со Зафир Хаџиманов, со кого во 1967 година одржала заеднички рецитал во театарот „Атеље 212“ во Белград, настан кој остана запаметен како важен момент во музичката и телевизиската историја на регионот. Од нивниот брак го имаат синот Васил Хаџиманов, еден од најистакнатите џез-музичари на овие простори.