Штип е лидер по трошоците за новогодишно украсување – анализа на центарот за цивилни комуникации

Општина Штип потрошила најмногу за новогодишно украсување во 2025 година, над 81.000 евра, што изнесува 111 денари по жител, додека Градот Скопје и шест скопски општини заедно издвоиле 285.000 евра или само 8 денари по жител, се вели во анализата на Центарот за цивилни комуникации (ЦЦК).

Од таму велат дека дури 78% од тендерите ги добила една иста фирма, „Линк Медиа Плус“, а 81% од постапките се спроведени без конкуренција, со само една доставена понуда. Ова го доведува во прашање реалното ниво на трошоци за украсување, анализира ЦЦК.

Во текстот стои и дека повеќето договори се склучени во декември, само неколку дена пред новата година, што сериозно го ограничува учеството на други фирми и ги фаворизира претходно ангажираните добавувачи.