Американскиот претседател Доналд Трамп изјави оти верува дека рускиот лидер Владимир Путин сака да ја заврпи војната во Украина, истакнувајќи дека постои простор за договор меѓу Москва и Вашингтон.
Во интервју за „Њујорк тајмс“, Трамп наведе дека, според негова проценка, Путин тежнее кон постигнување на договор.
„Мислам дека сака да постигне договор“, рече претседателот на САД.
Според Трамп, во повеќе наврати постоеле ситуации во кои се било подготвено за договор, но украинскиот претседател Володимир Зеленски не бил подготвен да го прифати. Американскот претседател додаде дека таквиот развој на настаните го изненадил.
Трамп истакна надеж дека во блиска иднина ќе биде постигнат договор со Русија за решавање на украинската војна. Истовремено порача дека со членови на американскиот Конгрес разговарал за можноста за заострување на санкциите кон Русија, во случај да не дојде до исчекор кон политичко решение на кризата.