За време на предизборниот молк, до отворањето на избирачките места, регистрирани се вкупно 20 пријави за нарушување на изборниот молк, соопшти Министерството за внатрешни работи. Од нив, најмногу – шест се однесуваат на подрачјето на СВР Скопје, четири се пријавени во Куманово, три во Велес, по две во Охрид, Штип и Битола и една пријава во Струмица. По преземени мерки, се уште нема потврда за 15 од пријавените настани. Освен ваквите пријави, од МВР информираат дека регистрирани се и 47 објави на социјалните мрежи кои претставуваат повреда на изборниот молк, каде граѓани или веб страници упатувале повици за гласање за одредени кандидати, како и објави со видеа и фотографии од партиски активности во партиски штабови. МВР информира и дека гласањето на болни и изнемоштени лица, како и на затвореници, поминало без проблеми на сите подрачја низ државата, освен еден изолиран случај кој бил регистриран, но не прераснал во сериозен инцидент.
