Марк Маркез најавува рана доминација во Мото ГП на фабричкиот мотоцикл на Дукати. Шпанецот денеска ја освои пол-позицијата за утрешната трка за Големата награда на Аргентина, а триумфираше и на спринтот.
Маркез постави нов рекорд на патеката „Терамас де Рио Хондо“ со 1 минута, 36 секунди и 917 илјадитинки во квалификациите. Крај него во првиот стартен ред ќе тргнат неговиот брат Алекс Маркез и Јоан Зарко. Од вториот ред ќе стартуваат Франческо Бањаја, Педро Акоста и Фабио ди Џанантонио. Потоа следуваат Фабио Квартараро, Франко Морбидели, Марко Бецеки и Жоан Мир.
Мотоциклистот на Дукати победи и на спринт трката и тоа повторно пред својот брат Алекс Маркез, а трет беше неговиот тимски колега Франческо Бањаја. Во генералниот поредок Маркез сега има 49 бодови, 11 повеќе од Алекс Маркез, а Бањаја е трет со 21 бод.
Главната трка за Големата награда на Аргентина е утре од 19 часот.
