Марко Одермат ja осигура четвртата титула во низа во генерален поредок и во велеслалом во рамки на Светскиот куп во алпско скијање. Денеска во Хафјел имаше комплетно швајцарски подиум.
Лоик Мелјард победи на денешната велеслаломска трка во норвешкиот ски-центар со вкупно време по двете возења од 2 минути, 18 секунди и 20 стотинки. Зад него финишираше Марко Одермат, кој со второто место и математички ја обезбеди титулата во генералниот поредок, што за него е четврта по ред, но исто така ја освои и четвртата титула во низа во велеслалом. Денеска во Хафјел швајцарскиот подиум го комплетираше Томас Тумлер.
Одермат уште претходно ја освои титулата во супер велеслалом, а на финалниот тркачки викенд во Сан Вели во САД идниот викенд ќе се обиде да дојде и до трофејот во спуст, каде исто така е лидер.
