Пратениците на ВМРО-ДПМНЕ ќе поднесат иницијатива за разрешување на членовите на Судскиот совет.
Ваквата информација преку објава на својот фејсбук профил ја соопшти премиерот Христијан Мицкоски изразувајќи го своето убедување дека Судскиот совет е дел од системот кој останува главното упориште на корупцијата, неправдите и разочарувањата.
– На државата и граѓаните им е потребна правда, а правда може да се добие со длабоки реформи и сериозни промени наспроти досегашните пракси на злоупотреби кои имаат пуштено длабоки корени во системот.
Македониjа мора да се бори против своето корумпирано мочуриште кое jа држи заробена и заложник и е причина за неjзино пропаѓање и разочарување кај многу од граѓаните.
Затоа пратениците на ВМРО-ДПМНЕ ќе поднесат иницијатива за разрешување на членовите на Судскиот совет, кој според мое длабоко убедување е дел од системот кој останува главното упориште на корупцијата, неправдите и разочарувањата се вели во објавата на Мицкоски.
На ова денеска реагираше претседателот на Судски совет кој вели дека единствен начин да се разрешат членовите на судски совет е преку Законот за судски совет.