Притвор за групата која во текот на вчерашниот ден беше приведена под сомнение за продажба и дистрибуција на дрога.
Судија на претходна постапка при Основниот кривичен суд Скопје, постапувајќи по предлог на јавен обвинител за гонење организиран криминал и корупција го прифати предлогот за притвор во траење од 30 дена, поради опасност од бегство, влијание на сведоци и повторување на делото.
Прифатен е и предлогот за определување на мерка притвор против две лица кои се недостапни за органите на прогон, а мерката почнува да се спроведува од нивно пронаоѓање односно лишување од слобода.
Полицијата организираше обемна акција во Скопје и Гевгелија и изврши претреси на повеќе од 20 локации.
Пронајде дрога, оружје, девет илјади евра, десетина мобилни телефони и возила.
Приведен е и Раде Трајковски – Штекли, познат на јавноста по тоа што имаше три обиди за неговата ликвидација, а според информациите тој наводно се подготвувал да избега, кога полицијата го уапсила во близина на хотел во Гевгелија.