По САД, Велика Британија и Франција донесоа одлука со која им дозволуваат на Украинците да напаѓаат цели длабоко во Русија со нивните ракети „SCALP“ и „Storm Shadow“. Ова за Ројтерс го потврдиле извори запознати со одлуката.
Промената на политиката дојде откако стана јасно дека Русија ги пополнува сопствените сили со севернокорејски војници и ги испраќа во битка против украинската армија. Вклучувањето на Северна Кореја во војната, како што потсетува Ројтерс , предизвика тревога во Вашингтон и Киев.
Дострелот на овие ракети е уште поголем од американските „Атакамс“ и може да достигнат мета на оддалеченост од 450 километри. За сега нема коментар за ваквите одлуки од страна на Кремљ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.