Истече рокот во кој најголем дел од членовите во новиот парламентарен состав требаше да го пополнат анкетниот лист на Антикорупциска во кој ќе ја наведат својата имотна состојба пред да стапат на финкцијата.
Според податоците на ДКСК шест пратеници воопшто не доставиле изјава. За нив покренато е поведување на прекршочна постапка, вели претседателката на Државната комисија за спречување корупција, Татјана Димитровска.
Таа во гостување на 24 вести најави и дека по обвинувањата на ВМРО – ДПМНЕ за хациендата на Славјанка Петровска ДКСК ќе отвори претставка, иако екс министерката за овој случај водеше судски спор и докажа дека таа не е на нејзино име.
Исто така Димитровски информира дека по допрен глас оформиле предмет во однос на патувањето на синот на премиерот Христијан Мицкоски во Вашингтон на Самитот на НАТО и испратиле допис до Генералниот секретаријат на Владата со барање да им биде доставена целокупната документација.
Рече дека во моментов течат роковите за тоа, а доколку не бидат испочитувани ќе биде поведена прекршочна постапка.