Горат шуми на повеќе локации низ земјава. Повреден е жител на село Сирково, Росоман. При гаснење на пожарот се здобил со изгореници на рацете и едната нога.
Со зголемувањето на температури во попладневните часови, огнот се разгорува. Таква е и огнената стихија на планината Серта. Огнените јазици одат во атарот на штипското село Пиперово на планината Серта, вели градоначалникот на Општина Штип, Иван Јорданов.
Ова е ново жариште и линијата на огнот на оваа планина се зголемува. Јорданов посочува дека попладнево пожарникарите и вработените во останатите институции кои се анагажирани во гаснењето на пожарот се во тој дел на планината. Тој најави и свикување на кризниот штаб вечерва и мобилизација на луѓе и машини кои ќе го спречат огнот да влезе во селото Пиперово.
Утринава во штипскиот дел се гасеше и од воздух. Воздухопловите се пренасочени кон планината Кожуф. Попладнево од воздух хеликоптерите и авионите ги гаснат пожарите и во Радовиш, Росоман, Долнени и на планината Серта во атарот село Калањево.
На пожарите, кои беснесат низ нашата земја повеќе од една недела на терен се и пожарникарите, 100 припадници на Армијата и 30 припадници на полицијата.
Викторија Јованова