Замрзнувањето на конфликтот во Украина не е можно поради ставот на украинските власти, изјави денес портпаролот на Кремљ, Дмитриј Песков, коментирајќи го предлогот на казахстанскиот претседател Касим-Жомарт Токаев за прекин на борбите и враќање на преговорите во Истанбул во 2022 година.
„Замрзнувањето како такво не е можно“, рече Песков, пренесува РИА Новости. Според него, условите за прекин на непријателствата се јасни, а конфликтот би можел да заврши „до крајот на денот“ ако Киев „донесе соодветни одлуки“.
Песков додаде дека рускиот претседател Владимир Путин одговорил на предлогот на Токаев информирајќи го детално за текот на руската воена операција во Украина.
- „Постои еден главен услов за нас – мора да ги постигнеме нашите цели“, нагласи портпаролот на Кремљ.
Рускиот претседател претходно изјави дека Москва го темели својот став за можно решавање на конфликтот врз неколку принципи, вклучувајќи ги договорите во Истанбул, темите дискутирани во Анкориџ на средбата со американскиот претседател Доналд Трамп, ситуацијата на терен и ставовите изразени од Русија за време на говорот во Министерството за надворешни работи во 2024 година.