Не постои место или општина во Македонија каде што професорката Силјановска Давкова нема убедлива предност, и така очекуваме дека ќе завршат резултатите до крај, порача потпретседателката на ВМРО-ДПМНЕ Гордана Димитриеска – Кочоска.
Во вториот круг очекуваме уште поголема победа за професорката затоа што граѓаните веќе јасно гледаат и препознаваат дека професорката се бори за право и правда, и ова денес што се случува точно го покажува тоа. Ако во овој момент не ја дале поддршката за Стево Пендаровски во вториот круг воопшто не очекуваме дека ќе ја дадат поддршката за него. Сите гласови кои што сега ги имаат помалите партии убедени сме дека ќе завршат на сметка на професорката Силјановска Давкова, рече потпретседателката на ВМРО-ДПМНЕ.
Димитриеска – Кочоска изјави и дека опозициската партија очекува уште поголема излезност во вториот круг, кога ќе се одржат и парламентарните избори.
Очекуваме уште поголема излезност и поубедлива победа за ВМРО-ДПМНЕ. Орача Димитриеска – Кочоска.
Потпретседателката на ВМРО-ДПМНЕ инсистира дека победата на парламентарните партии на нејзината партија ќе биде уште поголема.