Влада на национален спас е најновата идеја на ДУИ во пресрет на изборите. Доколку победи, нивниот претседателски кандидат најавува дека ќе ги свика партиските лидери на средба по која сите би влегле во заедничка влада со цел да се спроведат уставните измени.
Опозициските партии на Албанците не ја прифаќаат идејата на Османи. За нив таа е лицемерна, неискрена и има цел само да ја спаси партијата од пораз.
Идејата за влада на национален спас не е нова. Беше актуелна за време на политичката криза во 2015 година, па потоа во 2020 година за време на здравствената и економската криза, кога ја бараа од ВМРО ДПМНЕ. Во 2021 ја бараше и тогашниот премиер, Зоран Заев, но никогаш не се реализираше.
Далиборка Демјанска Цветановска