Анже Ланишек триумфираше на скокалницата во Гармиш-Партенкирхен во рамки на второто натпреварување на новогодишната турнеја „Четири скокалници“. Словенецот откако вчера беше најдобар во квалификациите, добрата форма ја потврди и денеска.
Ланишек до победата дојде со одличен скок во финалната серија. Освои вкупно 295,8 поени, а имаше скокови од 136 и 137 метри. Зад него заврши Јапонецот Риоју Кобајаши исто како и на првата скокалница, додека трет денеска беше победникот во Оберсдорф, Андреас Велингер од Германија.
Anze Lanisek 𝘀𝗻𝗮𝘁𝗰𝗵𝗲𝘀 victory at Garmisch-Partenkirchen 🏆#GarmischPartenkirschen#FourHills pic.twitter.com/3sLKw0Qwow
— Eurosport (@eurosport) January 1, 2024
На турнејата „Четири скокалници“, Велингер останува лидер со 600 поени, пред Кобајаши, кој има 598,9 поени, додека трет е лидерот во генералниот поредок во Светскиот куп Штефан Крафт со 575,5 поени.
Натпреварувањето се сели во Австрија, каде на 3.јануари ски скокачите ќе се соочат во Инсбрук, додека три дена подоцна следува и скокалницата во Бишофсхофен.