Фабио ди Џанантонио дојде до својата премиерна победа во кариерата во Мото ГП шампионатот на денешната трка во Катар. Титулата ќе се решава на последната трка во Валенсија, бидејќи Франческо Бањаја финишираше на подиумот, но Хорхе Мартин беше само 10-ти.
Ди Џанантонио ја изненади конкуренцијата и славеше на трката за Големата награда на Катар. Второто место го освои бранителот на титулата и актуелен лидер во генералниот пласман Бањаја, додека целосно италијанскиот подиум го комплетираше Лука Марини.
Најголемиот ривал на Бањаја за титулата Хорхе Мартин денеска беше немоќен и го освои само 10-тото место, но тоа беа важни шесто бодови, кои го оставаат во борбата за тронот.
Во генералниот поредок сега Бањаја на врвот има 437 бодови, 21 повеќе од Мартин.
Последната сезонска трка е за Големата награда на Валенсија веќе следниот викенд. Во сабота се вози спринтот, а во недела е главната трка. Титулата е целосно отворена, бидејќи во оптег се максимални 37 бодови, ако еден возач ги освои двете трки.