Норвешкиот атлетичар Јакок Ингебригтсен постави најдобро светски време во дисциплината 2.000 метри на митингот од Дијамантската лига одржан синоќа во Брисел, Белгија.
Светскиот шампион на 5.000 метри и олимпискиот првак на 1.500 метри додаде уште еден успех во својата колекција со тоа што го сруши светскиот рекорд на 2.000 метри. Тој истрча со време од 4 минути, 43 секунди и 13 стотинки и го подобри претохдниот рекорд за 1,5 секунда поставен во 1999 година од Мароканецот Хишам ел Геруж.
Ингебригтсен изјави дека не било тешко да се сруши овој рекорд, бидејќи бил добро подготвен. Иако ја загуби светската титула на 1.500 метри во Будимпешта, сега Норвежанецот оди во Јуџин на последниот митинг во Дијамантската лига да ја одбрани титулата во оваа конкуренција и уште еднаш да се зацементира на светскиот атлетски врв на средни дистанци.