Цвеќе за пратеничка, трнлива дебата за работничките права. Првиот ден од расправата за законот со кој се зголемува работната недела за работниците кои ќе работат за „Бехтел&Енка“ на изградба на автопатиштата помина во караници и меѓусебни обвинувања. Мнозинството ја обвини опозицијата за лаги и опструкции, тврдејќи дека, законот е со европско знаменце поради нивната деструктивност.
Како одговор, професорката по математика доби математичка равенка. За момент, дебатата отиде и во друг правец. Страстите малку се смирија со невообичаениот гест на претседателот на комисијата.
Дебатата за законите со европско знаменце може да трае само два дена, оттаму и опозицијата за овој закон поднесе само три амандмани. Во законот не е прецизирано колку точно ќе трае работната недела. Стои само дека, ќе се овозможи прекувремена работа подолго од осум часа во текот на една недела, повеќе од осум часа во просек неделно во период од три месеци и повеќе од 190 часа годишно во случаите кога се работи за работи стратешко национално значење,по претходна писмена согласност на работникот.
Далиборка Демјанска Цветановска