Домаќинот на Летните олимписки игри кои следната година ќе се одржат во Париз соопшти дека од утре почнува продажбата на вториот контингент на билети за следење на натпреваувањата.
Во вториот круг во оптек ќе се пуштат 1,5 милиони влезници, а до овој момент преку системот за продажба стигнати се околу четири милиони барања. Во овој сегмент се продаваат и билети за церемонијата на свеченото отворање чија цена се движи од 90 до 2700 евра, а може да се купат и влезници за финални натпревари во повеќе спортови.
Во првите два контигенти се очекува да се продадат вкупно 3,25 милиони влезници од кои 13 проценти се по цена од 24 евра, 70 отсто за сума од 100, а останатите ќе плаќаат околу 200 евра.
Се најавува дека 10 проценти од билетите ќе ги купи француската влада кои ќе ги подели на луѓе со инвалидитет, ученици и волонтери, а се очекува вкупно да се продадат меѓу осум и 10 милиони билети, а вкупниот приход да изнесува 1,4 милијарди евра.