Куќата на Џеки Кенеди оди на продажба. Објектот во Вашингтон, кој со децении беше магнет за љубопитните туристи, но и за Американците, е направен во федерален стил и понуден е за 26,5 милиони долари.
Нејзин најпознат станар беше поранешната прва дама на САД, Жаклин Кенеди. Таа го купи замокот, откако ја напушти Белата куќа и се пресели во него по неколку недели од убиството на Џон Кенеди. Во неа го даде и сведоштвото за смртта на нејзиниот сопруг. Но, притисокот од туристите чии љубопитни очи сакаат да видат сe низ нејзините прозорци, ја принудија да се отсели и смести во стан во Њујорк.
Низ годините се сменија неколку сопственици на куќата. Целата парцела е спој на два дома, со чија интеграција е добиен спектакуларен имот од 15.000 метри квадратни, со раскошни детали, прекрасна градина и луксузен ентериер кои не го одзедоа историскиот шарм на домот. Среќниот купувач, освен гламурозните детали и реновираната подземна гаража, не само што ќе стане жител на најстарата населба во Вашингтон, туку ќе ужива да живее меѓу ходниците на историјата.