Швеѓанецот Арманд Дуплантис продолжува со поместување на границите во скок со стап. Тој на митингот во Клермон-Феран прескокна 6 метри и 22 сантиметри и за еден сантиметар го подобри сопствениот светски рекорд поставен минатото лето на Светското првенство во Јуџин.
“Кога имате вакви моменти, кога енергијата е на високо ниво се чувствувате како да лебдите. Ми се чини дека моето тело воопшто не слета на душекот. Чест ми е што настапив на овој митинг што го организира Рено Лавилени, кој ми беше идол на почетокот од кариерата”, изјави Дуплантис по поставувањето на новиот рекорд.
Ова е шести пат Дуплантис да постави најдобар резултат на сите времиња и секогаш го надминува за еден сантиметар.
Прв пат Дуплантис светски рекорд постави пред три години кога во полскиот град Торун прескокна 6 метри и 17 сантиметри и тогаш го надмина постигнувањето токму на Лавилени.
ФОТО: Игор Паневски