Меѓународната агенција за тестирање (ИТА), тело кое е задолжено за спроведување на допинг контролите на Олимписките и Параолимписките игри објави оглас во кој се бараат кандидати за обука што ќе се одржи во текот на април оваа година што е дел од подготовките за активностите за време на Игрите во Париз што ќе се одржат во 2024 година.
Од Олимпијадата во Токио, ИТА која е со седиште во Лозана е задолжена за водење на антидопинг програмата на Интернационалниот олимписки комитет.
Со оглед на фактот дека на Игрите во Париз ќе се извршат преку 6.000 тестирања на Агенцијата и се потребни околу 300 луѓе кои ќе бидат на борилиштата и ќе земаат примероци од учесниците на натпреварувањата.
Сите оние кои ќе ја минат обуката со работа ќе почнат од 2024 година кога треба да се почне со тестирањето на спортистите кои имаат обезбедено норма за настап, а како еден од главните услови е добро познавање на францускиот јазик и основа за англиски.
