Скопје и утринава е меѓу најзагадените градови во светот со индекс на загаденост 178, а според рангирањето е единствен град од Европа, покажуваат податоците на „Ај-кју ер“.
Според податоците утринава се измерени 173 микрограми на кубен метар ПМ 2,5 честички, и е 19,6 пати над дозволените граници, според мерните вредности на СЗО.
Вчера престанаа да важат препораките и мерките за надминат праг на алармирање за загаденост на воздухот во главниот град. Прекинува да важи и одлуката за бесплатен јавен превоз за сите граѓани во Скопје. Од Министерството за животна средина вчера рекоа дека тие само даваат препораки и им помагаат на општините во нивната борба со загадениот воздух.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.