Русија повторно ја сопре испораката на гас кон западна Европа

Во 3 часот утрово Русија го затвори гасоводот Северен тек 1, како што наведе, за период од три дена. Како причина повторно се наведени проверки и одржување.

Се уште не е испорачана ниту функционалната турбина за овој гасовод.

Станува збор за втор целосен прекин на гасоводот од почетокот на украинската војна со што се прават дополнителни проблеми на државите кои користат руски гас за производство на струја и во зима за греење.

Западноевропските аналитичари сметаат дека овој прекин, Русија може да го продолжи како одговор на тешките санкции кон Кремљ и поради западната воена помош за Украина.