Повеќе од 300 цивили пристигнаа во Запорожје денеска од Мариупол и околните области по новата операција за безбедно премин координирана од Меѓународниот комитет на Црвениот крст (МКЦК), страните во конфликтот и Обединетите нации, се вели во соопштението.
Во вторникот, неколку десетици цивили ја напуштија областа на фабриката Азовстал во Мариупол и пристигнаа во Запорожје за време на петдневната операција за безбедно минување. „Драго ни е што се поштедени уште повеќе животи“, рече Паскал Хунд, шеф на делегацијата на МКЦК во Украина.
„Ги поздравуваме обновените напори на двете страни во врска со операциите за безбеден премин. Тие остануваат клучни и итни во светлината на огромното страдање на цивилите“, додаде тој.
Украинската вицепремиерка Ирина Верешчук прецизираше дека во средата при последната евакуација од Мариупол во Запорожје пристигнале 344 цивили.
Таа во изјава за Телеграм им се заблагодари на ОН и на Црвениот крст за помошта.
„Тоа се жени, деца и стари лица од Мариупол, Манхуш, Бердјанск, Токмак и Василивка. Сите штотуку пристигнаа во Запорожје“, објави таа.