Прашина на повеќе улици, наместа расфрлан отпад, контејнери кои во попладневните часови се преполни, па има и ѓубре околу нив.
Во недостиг на место за депонија за градежен шут, истиот се фрла во близина на стариот градски стадион.
Ваква е сликата на Тетово. Граѓаните велат дека вината за тоа е и во луѓето, но и во институциите.
Нгадњим Мехмети од Еколошкото здружение Еко-Герилa вели дека нашиот град продолжува да биде еден од најнечистите градови во земјава, а можеби и во регионот.
Тој потенцира дека надлежните треба да бидат поажурни, но и да ги казнуваат несовесните граѓани.
Градоначалникот Биљал Касами, на граѓанската акција за чистење, која беше организирана минатиот месец, рече дека се размислува за поставување камери на критичните точки, со цел идентификација на несовесните граѓани.
Инаку досега инспекциските служби на Општината немаат изречено казни за недозволено фрлање отпад.
Данијела Билбилоска