Рускиот министер за надворешни работи Сергеј Лавров вчера пристигна во Индија и Њу Делхи, а денеска ќе се сретне со индискиот премиер Нарендра Моди. Си-Ен-Ен пишува дека висок функционер на индиската влада рекол дека Моди ќе ја повтори важноста за ставање крај на непријателските акции.
Лавров ќе оствари средба и со индискиот министер за надворешни работи Субрахмањам Џаишанкар. Во пресрет на неговата посета на Индија, САД се огласија преку портпаролот на Стејт департментот Нед Прајс. Тој рече дека секоја земја има свои односи со Русија.
„САД не се обидоа да го променат тоа, туку побараа од земјите да се изјаснат против неоправданата, неиспровоцирана руска агресија, повикувајќи на прекин на насилството користејќи опции што ги имаат земјите, вклучително и Индија. Некои земји ќе имаат поголемо влијание од другите поради долгогодишни односи со Русија“, рече Прајс.