Руските сили претрпуваат големи загуби и се принудени да ги реорганизираат своите војници, соопшти британското Министерство за одбрана, додавајќи дека руските војници се враќаат во Белорусија и Русија за да се реорганизираат и снабдуваат.
Последната анализа на британското разузнавање доаѓа откако руската војска соопшти дека драстично ќе ги намали воените операции во близина на Киев во согласност со вчерашните мировни преговори во Истанбул.
Во соопштението на Министерството за одбрана се вели: „Руските единици кои претрпеа големи загуби беа принудени да се вратат во Белорусија и Русија заради реорганизација и снабдување.
Таквата активност врши дополнителен притисок врз и онака проблематичната логистика на Русија и ги покажува тешкотиите со кои се соочува Русија во реорганизацијата на своите единици во Украина.
Русија најверојатно ќе продолжи да компензира за намалената способност да напредува на копно со масивни артилериски и ракетни напади.
Наведеното фокусирање на Русија на офанзивата во Доњецк и Луганск е веројатно премолчено признавање дека таа се бори да одржи повеќе од една значајна оска на напредок“.