Украинската Државна служба за специјални комуникации и заштита на информации извести дека руските сили извршиле сајбер напад врз државниот телеком Укртелеком.
Претседателот на Државната служба за специјални комуникации Јуриј Шчихол објави дека сајбер нападот е неутрализиран и дека се водат напори за обновување на услугата.
Today, the enemy launched a powerful cyberattack against #Ukrtelecom ’s IT-infrastructure. According to Yurii Shchyhol, the Chairman of the @dsszzi, at the moment massive cyberattack against #Ukrtelecom is neutralized. Resuming services is under way. #Ukraine #CyberAttack #war
— SSSCIP Ukraine (@dsszzi) March 28, 2022
Виктор Жора, заменик-шеф на Државната служба за специјални комуникации и заштита на информации, потврди за Форбс дека владата го истражува нападот. Во меѓувреме, Украина телеком одговори на коментарите на корисниците на Фејсбук информирајќи дека услугите се суспендирани поради „силен сајбер напад од страна на непријателот“.
Форбс испрати порака до украинскиот државен телеком и тие добија автоматски одговор кој гласеше: „Во моментов има потешкотии во користењето на интернет услугата Украина телеком. Нашите експерти прават се што е можно за да го решат овој проблем што е можно поскоро“.
„Поради абнормални оптоварувања и проблеми со внатрешните системи, операторите на контакт центарот и Фејсбук не можат да ги обработат барањата на корисниците“, се вели во пораката.