Како единствен кандидат, Биљал Касами повторно е избран за претседател на Движењето БЕСА. На вториот конгрес што се одржа во Скопје, воведена е функцијата заменик-претседател. Избран е досегашниот генерален секретар, Арианид Хоџа.
Централниот одбор и другите раководни партиски тела ќе бидат назначени дополнително. Лидерот Касами најави дека БЕСА се враќа на политичката сцена „на голема врата“.
Програмските определби остануваат посветени на проблемите на обичниот граѓанин и на членството во Европската унија.
Како опозициска партија, БЕСА се придружува на барањето предвремени парламентарни избори.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.