По, министерството за образование и владата минатиот месец, вчеравечер паднаа и интернет страниците на народната банка и сите комерцијални банки. Вчеравечер, кус временски период беше отежнат или блокиран пристапот до веб-страниците, информираа банките со потврда дека сметките на граѓаните и фирмите се безбедни, а нема ниту финансиска штета.
На ИТ јазикот нападот е ДДОС, а зад него стои хакерската група „Моќна грчка армија” која вчера објави на нивниот твитер профил дека извршиле упади во неколку македонски банки.
„ДДОС е напад на веб-страниците, во кој огромен број на фиктивни клиенти од различни локации се преправаат дека сакаат да добијат информации од страницата, поради што серверот се преоптоварува и му треба повеќе време за да одговори на барањата од реалните корисници. Но, во ваков случај ниту се исклучува сервисот, ниту пак се менува содржината на веб-страницата, информираат од Народна банка
Полицијата трага и собира докази во интернет просторот. Но, тоа не им пречи на хакерската група под псеводнимот „моќната грчка армија“ одново и одново да упаѓа во државни и приватни сервери во нашата земја.
„Секторот за компјутерски криминал и дигитална форензика при МВР е во комуникација со надлежните институции со цел обезбедување на повеќе информации и податоци за ддос нападите на веб страни на банки во нашата држава, кусо информираат до МВР
Уривањето на итнернет страниците било најавено на 20 ти февруари од дрските компјутерџии.
Тие од почетокот на годината се одговорни за упадот на серверите на интернет страниците на министерството за образование, владата, а пред да ги урнат банкарските страници во земјава ја хакриле интернет страницата на министерството за здравство во Украина.
Целта не им е политичка ниту националистичка. Во интервју за порталот Инфомакс минатиот месец зборувајќи со сокриен идентитет велат дека целта им се владите во целиот свет и заштита на сите граѓани.
Дека немало обид да стаса во финансиски доверливи информации потврдуваат и од Народна банка од каде уверуваат дека се следат лобалните трендови за безбедност од овој тип дигитални закани на кои се почесто мета во змејава се државни институциите и приватни субјекти, а до сега никој не е откриен, ниту казнет.
Павле Беловски