Шефот на државата, Стево Пендаровски, утре напладне ќе се сретне со претставници на ОМО „Илинден“ – Пирин и на други здруженијата на Македонците во Бугарија. Од Кабинетот на претседателот на државата за Телма потврдија дека средбата ќе се одржи утре, по што ќе биде објавено соопштение.
Инаку средбата со Пендаровски пред десетина дена ја побараа неколку здруженија на Македонци во Бугарија, на што претседателот веднаш одговори позитивно.
Утрешната средба би била прв прием на Македонците од Бугарија во кабинетот на македонскиот претседател.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.