Полицајци кои дилале кокаин и марихуана заедно со нивни роднини, цариници кои ги штителе полицајците и го обезбедувале транспортот на ефедрин за производство на амфетамин, пресечен канал и заплена на уште една голема пратка во странство а која требало да заврши во државата.
Истрагата за оваа криминална група траела од почетокот на годинава а во домовите на валканите полицајци се најдени десетици илјади евра кои потекнуваат од продажба на дрога.
Првата пратка на ефедрин, 190 килограми, паѓа во Косово на 2 ноември а потоа на 5 ноември е пресечена и и пратката од 1 тон и 50 килограми ефедрин во таблети со потекло од Египет.
Полицајците дилери и цариниците работеле заедно но засега нема детали како и кога ја формирале групата.
Приведените цариници биле повикани токму од МВР на карго аеродромот во Скопје за да ја проверат пратката а тие за да ги заштитат полицајците дилери потврдиле дека е во согласност со декларацијата -Галантерија за мобилни телефони и компјутери.
Таблетите псеудо ефедрин, се користат за производство на амфетамин, дрога која што е често барана на нарко пазарот.
Според Спасовски, лабораторијата за производство не е во Македонија.
Десетмината осомничени, меѓу кои се петмината полицајци и тројцата цариници, беа уапсени завчера и им беше одреден притвор.
Истрагата не е завршена а од МВР и Обвинителството не ја исклулчуваат можноста од нови приведувања.
Огнен Чанчаревиќ