Сеад Кочан е на предлог-листата за помилување, кој затворската управа на Идризово го испратила до Правда. Оттаму велат, списокот со затвореници се уште се разгледува, пред да биде испратен до шефот на државата, кој ќе го има кончениот збор.
Во случајот затворот Идризово, меѓу другото, предлага и намалување на затворската казна за Сеад Кочан за шест месеци, што во ниту еден случај не значи целосно ослободување од казна, информираат од Правда за Телма.
Во овие, како и во сите други групни помилувања Министерството за правда е само една од неколкуте институции кои се дел од процесот, потенцираат оттаму.
Течат консултации за листата чија финална веризја ќе биде испратена до Комисијата за помилување, во Кабинетот на претседателот Пендаровски.
Бизнисменот Сеад Кочан беше осуден на 6години затвор, бидејќи со лажни документи учестувал и добил тендери за ископ на јаглен и јаловина во РЕК „Битола“ на АД ЕЛЕМ, вреден 17 милиони евра. Апелација му ја намали казната на 4 години и 8 месеци затвор.